Kosovarët do të pajisen me pasaporta biometrike 2010-ën
Postuar
më 5 Gusht 2009 në kategoritë Kosovë.
You can follow any responses to this entry through the RSS 2.0 feed.
You can leave a response, or trackback from your own site.
Brenda vitit të ardhshëm, qytetarët e Kosovës do të fillojnë të pajisen me pasaporta biometrike. Një fakt të tillë e pohon Artan Duraku, këshilltar i ministrit të Punëve të Brendshme, Zenun Pajaziti.
Por këshilltari Duraku shpjegon se qytetarët e vendit nuk kanë nevojë të ndërrojnë pasaportat e tyre valide, të cilat kanë filluar të lëshohen vitin e kaluar.
Sipas tij, shtetasve të Republikës së Kosovës nuk iu duhet të dynden dyerve të komunave për të marrë patjetër një pasaportë të tillë. “Ato pasaporta janë valide për dhjetë vjet. Në këtë rast, nëse një shtetas i Kosovës që jeton në Gjermani, ka vizë në pasaportën e tij, ai nuk ka nevojë ta marrë atë biometrike, pa i skaduar afati të parës”, shpjegon këshilltari Duraku për Express.
Por në rast se një qytetar i Kosovës ka pasaportë aktuale valide, por për shkak të lehtësisë së marrjes së një vize, mendon të marrë pasaportë biometrike, atëherë kjo është çështje tjetër.
Procedurat të cilat i paraprijnë fillimit të lëshimit të pasaportave biometrike, e cila është njëra nga kushtet kryesore që nevojitet për liberalizim të vizave, tashmë kanë filluar.
Zyrtari i lartë në Ministrinë e Punëve të Brendshme shpjegon se deri në vjeshtë, Ligji për mbrojtjen e të dhënave personale do të dërgohet për procedim të mëtejshëm.
“Kjo procedurë pritet të fillojë në shtator të këtij viti”, saktëson këshilltari Duraku, duke shtuar se hapat e mëtejshëm në lidhje me këtë çështje do ta varen nga rekomandimet që dalin nga studimi i fizibilitetit.
Megjithëkëtë, ende nuk është caktuar se kush do ta kryejë këtë studim, i cili shihet si mjaft i rëndësishëm sa i përket ndryshimit të pasaportave. “Ky studim kryhet ose me kapacitete të brendshme ose me ato të jashtme. Në rast se kryhet me kapacitete të brendshme, këtë do ta bëjë Ministria e Punëve të Brendshme përmes departamenteve të saj”, shpjegon këshilltari Duraku.
“Mendoj se ky raport do të përfundojë para se Komisioni Evropian të dalë me raportin e vet të paralajmëruar për Kosovën në vjeshtën e këtij viti”, thotë zyrtari i lartë në Ministrinë e Punëve të Brendshme. Edhe pasaportat biometrike pritet të prodhohen jashtë vendit, ndërkohë që këto aktualet janë duke u shtypur në Lajpcig të Gjermanisë nga një kompani gjermane.
Zyrtarë të MPB-së sqarojnë se tash për tash ende nuk është caktuar çmimi sa do t’i kushtojë një qytetari marrja e një pasaporte biometrike. “Pasaporta biometrike është në njëfarë mënyre, grumbullimi i të gjitha të dhënave në një çip elektronik”, shpjegon këshilltari Duraku.
Lexoni artikullin e plotë ketu
zotri duraku ne ne te vertet gjindemi ne diaspor por si mund te na tregoni se ska nevoj per pasaporta biometrikes se edhe ne qe jemi ne diaspor me dasht me pas nevoj per udhtim pertej vendit ku jetojm na vyn viza e ne po e kuptojm qe me pasaporta biometrike lirshem udhtojm se as mu personalisht ma e para nuk pom pershtatet pse nuk ka hala konzullata ku banon shumica shiptare sidomos mir asht te gjith vendet por s.p.gjermoni e zvicer asht shumica shiptarve te kosoves ju lutemi presim pergjigjen tuaj ose personalisht te pajazitit
per mendim timin nuk ma merr mendja si be na len si nji pik te zez se marre esht per evropen me na lan po edhe qeverija e kosoves duhet me punu shum se kerkush nuk vjen me punu ne shpi tane nese ti nuk mundohesh me punu